မြန်မာ-ယိုးဒယားနယ်စပ်ရှိ မြန်မာ့တပ်မတော် စခန်း
၂၀၀၁ တိုက်ပွဲစဉ်တွေ အကြောင်းကို ကိုMM က ရေးပေးဖို့ ပြောလာတော့ ကျွန်တော် ရေးဖို့ ကြိုးစားကြည့်ပါတယ်။ ဒါပေမယ့် ကျွန်တော်သိတဲ့ အချက်အလက်တွေက တပိုင်းတဆတွေ ဖြစ်နေတယ်၊ ဖြစ်စဉ်ကို အစဉ်လိုက် ဘာပြီး ဘာဆက်ဖြစ်ခဲ့တယ် ဆိုတာ မသိဘူး ဖြစ်နေတယ်။ ဒါကြောင့် ဆောင်းပါး တစ်ပုဒ် အနေနဲ့ ရေးကြည့်ပေမယ့် ရေးလို့ မရခဲ့ဘူး။ ဒါပေမယ့် တကယ် သိတဲ့ လူတွေ မရေးခင် တိုက်ပွဲတွေနဲ့ ပက်သက်လို့ နည်းနည်းပါးပါး သိချင်တဲ့ သူတွေ အတွက် ကျွန်တော် သိသလောက် အချက် အလက် ကလေးတွေ မျှဝေပါ့မယ်။ ဒါကြောင့် ခေါင်းစဉ်ကို နည်းနည်းပြင်ပြီး .... အချက် အလက်ကြမ်း အချို့ .... လို့ပဲ အမည်ပေးလိုက်ပါတယ်။
၂၀၀၁ နယ်စပ်တိုက်ပွဲတွေ စတင်လာတာကတော့ ဖေဖော်ဝါရီ လထဲမှာပါ။ မယ်ဆိုင်မြို့အနီးက အို-၇ တောင်ကုန်းစခန်းကို ထိုင်းဘက်က သူတို့ ပိုင်ဆိုင်တယ်လို့ ပြောဆိုတာကနေ စတင်လာတာပါ။ အဲဒီ့ အချိန်မှာ နယ်စပ် တလျှောက်မှာ တပ်မတော်နဲ့ SSA တို့ကလည်း တိုက်ပွဲတွေ မကြာခဏ ဖြစ်နေတဲ့ အချိန်ပါ။ အဲဒီ့ အချိန်ကာလမှာပဲ စစ်ဆင်ရေး အထူးအဖွဲ့မှူး ဒုတိယဗိုလ်ချုပ်ကြီးတင်ဦးနဲ့ အရှေ့တောင်တိုင်း တိုင်းမှူး ဗိုလ်ချုပ်သူရသီဟသူရစစ်မောင်တို
ပထမဆုံးအနေနဲ့ တပ်မတော် ရှေ့တန်း ကျထိနစခန်း၊ ပါချီးစခန်း နဲ့ အို-၇ တောင်ကုန်းတွေကို SSA တပ်တွေက ရုတ်တရက် ဝင်ရောက်စီးနင်းခဲ့တာပါ။ အဲဒီ့ စခန်းတွေဟာ နယ်စပ်မျဉ်းပေါ်မှာ ရှိပြီး အဲဒီ့ စခန်းတွေနဲ့ မျက်နှာချင်းဆိုင် ထိုင်နိုင်ငံဘက်ခြမ်းမှာ ထိုင်းစစ်စခန်းတွေ ရှိပါတယ်။ ထိုင်းစစ်စခန်းဘက်ကနေ SSA အင်အား ၂၀၀ ကနေ ၂၆၀ လောက်ဟာ လက်နက်ကြီး ပစ်အားသုံးပြီး အင်အား အလုံးအရင်းနဲ့ ညတိုက်ပွဲ ဆင်နွှဲပြီး ဝင်ရောက်စီးနင်းတာပါ။ ထိုင်းစစ်စခန်းကလည်း ညတိုက်ပွဲသုံး ဆလိုက် မီးမောင်းကြီးတွေနဲ့ ထိုးပြပေးခဲ့တယ်လို့ ဆိုတယ်။ လက်နက်ကြီးနဲ့လည်း ပစ်ကူ ပေးခဲ့တယ်လို့ ဆိုတယ်။ တပ်မတော်စခန်းတွေမှာက အို-၇ မှာ တပ်စုအင်အားလောက်ပဲ စခန်းထိုင်ထားပါတယ်။ ပါချီးစခန်းမှာ တပ်ခွဲ အင်အားလောက်ပဲ ရှိပါတယ်။ အင်အား ကွာခြားပေမယ့်၊ ရန်သူ့တိုက်စစ်အင်အားထက် အလွန်နည်းပေမယ့် အဓိက အဆုံးအဖြတ် ပေးခဲ့တာကတော့ အငိုက်ရရှိမှုပါ။ SSAဟာ လူအငိုက်ကော အချိန် အငိုက်ပါရရှိပြီး၊ ဒီတိုက်ပွဲတွေ အတွက်လည်း ကြိုတင် ပြင်ဆင် လေ့ကျင့်ထားပုံ ပေါ်ပါတယ်။ ထိုင်းနိုင်ငံ ဘက်ခြမ်းကနေ ဝင်တိုက်ရတာ ဖြစ်တဲ့ အတွက် မထင်မှတ်တဲ့ နေရာကနေ တိုက်ခြင်းဖြစ်ပြီး ပထဝီ အငိုက်ပါရတယ်လို့လည်း ဆိုနိုင်တယ်။ ဒါပေမယ့် ထိုင်းနဲ့ မြန်မာ နယ်စပ် ဆက်ဆံရေး တင်းမာနေချိန်ဖြစ်လို့ စခန်းရဲ့ ထိုင်းဘက်ခြမ်း မျက်နှာစာမှာလည်း ခံစစ်ပြင်ထားမှာ မလွဲပါဘူး။ လက်နက်ပစ်အားချင်းလည်း ယှဉ်မရခဲ့ဘဲ အချိန် ကြာမြင့်အောင်တောင် တောင့်ခံထားနိုင်ခြင်း မရှိပါ၊ ပါချီးစခန်းတစ်ခုတည်းမှာတင် စစ်သည် ၇ ဦး အထိ ကျဆုံးပြီး စခန်းကို စွန့်ခွာခဲ့ရတယ်။ အို-၇ တောင်ကုန်းကိုလည်း အလားတူ ထိခိုက် ကျဆုံးမှုတွေနဲ့ စွန့်ခွာရပါတယ်။ အို-၇ တောင်ကုန်းစခန်းဟာ တာချီလိတ်-မယ်ဆိုင် ဒေသကို ကောင်းစွာလွှမ်းမိုးထားနိုင်တဲ့ အနေထားရှိပြီး ပါချီး စခန်းဟာလည်း ပုံပါကျင် ဒေသကို လွှမ်းမိုးထားနိုင်ပါတယ်။ တဆက်တည်းမှာပဲ တာချီလိတ် အနောက်ခြမ်း ဒေသမှာ ရှိတဲ့ လွယ်တော်ခန်း၊ လွယ်မဆုတ်၊ လွယ်ခန်းရှိုးစခန်းတွေ အတိုက်ခံရပြီး ကျဆုံးကုန်ပါတယ်။ ပုံပါကျင်-ပါချီး-အောင်းလောင်း ဒေသမျာလည်း တိုက်ပွဲတွေ ဆက်တိုက်ဖြစ်ပွားပြီး စခန်း အတော်များများ ဆုံးရှုံးလိုက်ရပါတယ်။ ထိုင်း-မြန်မာ နယ်စပ်ဂိတ် အနီးမှာရှိတဲ့ ဘီပီ-၁ စခန်းကတော့ စခန်းသိမ်းတိုက်ပွဲ ပြင်းပြင်းထန်ထန် ဆင်နွှဲခံရပေမယ့် စခန်း ကျဆုံးမသွားအောင် ခုခံနိုင်ခဲ့တယ်။
တိုက်ပွဲတွေ အပြီးမှာ SSA က မြန်မာ့တပ်မတော်စခန်းတွေပေါ်ကနေ သိမ်းဆည်း ရမိတဲ့ လက်နက်တွေ ပစ္စည်းတွေကို ထိုင်းနိုင်ငံက မီဒီယာတွေကို ခေါ်ယူပြသခဲ့ပြီး ဘိန်းဖြုထုပ်တွေ ဘိန်းမဲတွေ ပါ တွေခဲ့တယ်၊ မြန်မာ့ တပ်မတော်ဟာ နယ်စပ်မှာ ဘိန်းမှောင်ခိုကူးနေတယ် ဒါကြောင့် ဒီစခန်းတွေကို တိုက်ခိုက်သိမ်းယူရတာ ဖြစ်ပါတယ်လို့ ရှင်းလင်းခဲ့တယ်။ မြန်မာ နိုင်ငံပိုင် မီဒီယာတွေကလည်း SSA တပ်ဖွဲ့ကသာ ဘိန်းမှောင်ခိုကူးနေတဲ့ အဖွဲ့ဖြစ်တယ် ၊ ထိုင်းနိုင်ငံက တိုက်ပွဲမှာ SSA ကို ကူညီခဲ့တယ် လို့ တုန့်ပြန်ခဲ့တယ်။ ထိုင်းစစ်တပ်ကတော့ SSA ကို လက်နက်ကြီးပစ်ကူ ပေးခဲ့တာ မဟုတ်ဘူး၊ မြန်မာစစ်တပ်က ပစ်တဲ့ ကျည်တွေ သူတို့ စခန်းပေါ်ကျတဲ့ အတွက် တုန့်ပြန်ပစ်ခတ်ခဲ့တာ ဖြစ်တယ်လို့ မီဒီယာတွေမှာ ပြောပါတယ်။ အဲဒီ့နောက် မီဒီယာတွေကနေ အပြန်အလှန် စွပ်စွဲရေးသားတာတွေ၊ သံအမတ်ကြီးတွေကို ခေါ်ယူ သတိပေးတာတွေ မီဒီယာတွေကနေ ထိုင်းစစ်ဦးစီးချုပ်တွေက ခြိမ်းခြောက်တာတွေ ဆက်တိုက်ဖြစ်လာတယ်။ အထင်ပေါ်ဆုံး ပုဂ္ဂိုလ်နှစ်ဦးကတော့ ထိုင်းတပ်မတော် ကြည်းတပ်ဦးစီးချုပ် ဗိုလ်ချုပ်ကြီး ဆူရာယုဒ် ချူလာနော့ နဲ့ အမှတ်(၃)တပ်တော်မှူး ဒု-ဗိုလ်ချုပ်ကြီးဝမ်တနာချိုင်း
ယိုးဒယား-မြန်မာ နယ်စပ် မြန်မာတပ်မတော် စခန်းများ
(ဒီနေရာမှာ တစ်ခု ကြားဖြတ်ဆွေးနွေး လိုတာက မြန်မာ မီဒီယာတွေက Thai 3rd Army ကို အမှတ်(၃)စစ်တိုင်းဆိုပြီး ဘာသာပြန်ကြတယ်၊ ဒါပေမယ့် သူရဲ့ ဖွဲ့စည်းပုံကို လေ့လာကြည့်ရင် တပ်တော် လို့ ဘာသာပြန်တာ ပိုမှန်ပါမယ်၊ ဘာလို့လည်းဆိုတော့ သူက သူအခြေစိုက်တဲ့ ဒေသတွင်းမှာ စစ်ဆင်ရေးနဲ့ လုံခြုံရေး တာဝန်တွေ ထမ်းဆောင်ဖို့ အတွက်တင် မဟုတ်ဘဲ 3rd Army တစ်ခုလုံး အတိုင်းအတာနဲ့ ရွှေ့လျား စစ်ဆင်နိုင်တဲ့ offensive capability လည်းရှိပါတယ်။ ဆိုတော့ မြန်မာ့ တပ်မတော်က စစ်တိုင်းတွေနဲ့ ပုံသဏ္ဌာန်ခြင်း မတူပါဘူး။ Phitsanulok မှာ တပ်တော်ဌာနချုပ် အခြေစိုက်ပြီး နိုင်ငံ မြောက်ပိုင်းနဲ့ အနောက်ပိုင်းမှာ တပ်တွေ ဖြန့်ကျက်ထားတယ်။ ထိုင်းနိုင်ငံမှာ တပ်တော် လေးခုရှိပြီး မြန်မာနိုင်ငံနဲ့ နယ်နမိတ် တလျှောက်ကို ကွပ်ကဲရတဲ့ အမှတ်(၃)တပ်တော်ဟာ ကွန်မြူနစ်ခြိမ်းခြောက်မှု မရှိတော့တဲ့ စစ်အေးလွန်ကာလက စပြီး လက်နက်အကောင်းဆုံး တပ်ဆင်ပေြး
မြန်မာ့တပ်မတော်က ကျဆုံးသွားတဲ့ စခန်းတွေကို ပြန်လည်ထိုးစစ်ဆင်ခဲ့တယ်။ မြန်မာနိုင်ငံမှာ တိုက်ပွဲတွေ ဖြစ်ပွားနေတဲ့ ဒေသတွေနဲ့ အလွန်နီးကပ်တဲ့ ထိုင်းနိုင်ငံ ဘက်ခြမ်းမှာ ထိုင်းတပ်က စစ်အင်အား ၃၀၀၀၀ ကျော်သုံးပြီး စစ်ရေး လေ့ကျင့်တာကိုလည်း မြန်မာဘက်က ကန့်ကွက်ခဲ့တယ်။ ထိုင်းဘက်က စစ်ရေး လေ့ကျင့်မှုကို ဆက်လုပ်ခဲ့ပြီး မြန်မာဘက်ကို လက်နက်ကြီးတွေနဲ့ ပစ်ခတ်တာတွေ လုပ်လာပါတယ်။ ဒီိလိုနဲ့ နှစ်ဖက်တပ်များ ကြားမှာ အပြန်အလှန်ပစ်ခတ်မှုတွေ ဖြစ်ပေါ်လာတယ်။ မြန်မာ့တပ်မတော်က အို-၇ တောင်ကုန်းကို ပြန်သိမ်းပိုက်တဲ့ အခါမှာ ယိုးဒယားတပ်တွေနဲ့ စတင်ထိတွေ့မှု ဖြစ်ပါတယ်။ တကယ်တော့ အို-၇ နဲ့ မျက်နှာချင်းဆိုင်မှာရှိတဲ့ ယိုးဒယားဘက်ခြမ်းက တောင်ကုန်းက အို-၇ထက် ပိုမြင့်ပါတယ်။ ဒါကြောင့် မယ်ဆိုင်မြို့ကို စိုးမိုးနေတဲ့ အဓိက အချက်ခြာတောင်ကုန်းမို့ သူတို့ပိုင်ပါတယ်ဆိုတဲ့ ယိုးဒယားရဲ့ ပြောဆိုချက်ဟာ မမှန်ပါဘူး။ မြန်မာ့တပ်မတော်ဟာ အို-၇ ကို သိမ်းပိုက်နိုင်ပြီးတဲ့ အချိန်မှာ အို-၇ရဲ့ တဖက်က ပိုမြင့်တဲ့ တောင်ကုန်းပေါ်ကနေ ယိုးဒယားက လက်နက်ကြီးနဲ့ အဆက်မပြတ်ပစ်ခတ်ခဲ့ပါတယ်။ F-16 တိုက်လေယာဉ်တွေ မြန်မာ့လေပိုင်နက်ထဲ ဝင်လာပြီး ခြိမ်းခြောက်ပျံသန်းတာတွေ လုပ်လာပါတယ်။ လွယ်လန်းဒေသမှာရှိတဲ့ မိုင်းယွန်းမြို့မှာ UWSA အဖွဲ့က မှူးယစ်ဆေးဝါးတွေ ထုတ်လုပ်နေတယ်လို့ ယိုးဒယားက စွပ်စွဲပြီး တိုက်လေယဉ်ပေါ်ကနေ ဗုံးကျဲချပြီး တိုက်ခိုက်ခဲ့တယ်။ F16 တစ်စီး မြန်မာ့ မြေပေါ်မှာ ပျံသန်းနေခဲ့တဲ့ အချိန်ဟာ ၄၅ မိနစ်တောင် ကြာခဲ့တယ်လို့ ဆိုတယ်။ နယ်စပ်က စခန်းတွေ ပေါ်တင်မကဘဲ တာချီလိတ်မြို့ပေါ်ကိုပါ ဖြတ်ပျံခဲ့တယ်။
ယိုးဒယားမီဒီယာတွေမှာတော့ မြန်မာတပ်တွေဟာသူတို့ပိုင်နက်ကိတိုက်ပွဲတွင်းမှာ ယိုးဒယားက တာချီလိတ်မြို့တွင်းကို လက်နက်ကြီးနဲ့ လှမ်းပစ်ခဲ့တဲ့ အတွက် အရပ်သား (၂)ဦးသေဆုံးခဲ့ပါတယ်။ မြန်မာဘက်ကလည်း မယ်ဆိုင်မြို့ထဲကို လက်နက်ကြီးနဲ့ ပြန်ပစ်ခဲ့ပြီး ထိုင်းပြည်သူ (၂)ဦး သေဆုံးတယ်လို့ မီဒီယာတွေမှာ တွေ့ရပါတယ်။ တာချီလိတ် အနောက်ခြမ်း ဒေသနဲ့၊ ပုံပါကျင်-ပါချီး ဒေသ တွေမှာ တိုက်ပွဲတွေ အကြီးအကျယ်ဖြစ်ခဲ့ပြီး လွယ်လန်း ဒေသမှာတော့ တိုက်ပွဲတွေ ဖြစ်/မဖြစ်ကို ကျွန်တော် မသိပါ (သိတဲ့လူတွေ ပြောပြပေးပါ)။ မြန်မာ့တပ်မတော်ဟာ ကျဆုံးသွားတဲ့ စခန်းတွေကို ဂျွန်၊ ဂျူလိုင် လတွေထဲမှာမှ ပြန်သိမ်းနိုင်ခဲ့ပါတယ်။ SSA တပ်တွေလည်း ယိုးဒယားနိုင်ငံထဲကို ဆုတ်ခွာသွားကြတယ်။ အကျအဆုံး၊ ဒဏ်ရာရ အများကြီးနဲ့ ရင်းနှီးပြီးမှ စခန်းတွေကို ပြန်သိမ်းနိုင်ခဲ့တာပါ။ ပါချီးတောင် ဆိုရင် အတော်မတ်ဆောက်တဲ့ အတွက် ခက်ခက်ခဲခဲ တိုက်ခိုက်ခဲ့ရတယ် နယ်စပ်အနီးမှာ ရှိတဲ့ အတွက် လက်နက်ကြီး သုံးရတာလည်း အကန့်အသတ် အလွန်များပါတယ်၊ စခန်းတွေ ကျသွားတုန်းက နာရီပိုင်းတွင်း ကျဆုံးသွားပေမယ့် ပြန်သိမ်းယူတဲ့အခါ အသက်တွေ အများကြီးရင်းပြီး လနဲ့ချီအောင် တိုက်ယူခဲ့ရတာ ဖြစ်ပါတယ်။ ရန်သူ့ဘက်ကအငိုက်ရရှိခဲ့မှုနဲ့၊ မိမိက တိုက်စစ်ဆင်တဲ့ အခါမှာတော့ အငိုက်မရရှိတဲ့ အခါ ဘယ်လောက် တန်ဖိုးကြီးကြီး ပေးဆပ်ခဲ့ရတယ်ဆိုတာ သင်ခန်းစာပါ။ (အခုချိန်မှာတော့ ပါချီးအပါအဝင် ဒီစခန်းတွေ အားလုံးဟာ အမြင့်ဆုံး တပ်လှန့်ထားတဲ့ မဆုတ်တမ်းခံစစ် စခန်းတွေပါ။) လွယ်မဆုတ်စခန်းကို သိမ်းပိုက်မိတဲ့ အခါမှာ ယိုးဒယားတပ်သုံး ဆက်သွယ်ရေးစက်တစ်လုံးတောင် သိမ်းမိခဲ့ပါသေးတယ်။ အို-၇ တိုက်ပွဲမှာလည်း ယိုးဒယားတပ်သုံး လက်နက်ငယ်တွေနဲ့ ယိုးဒယားတပ်မတော် တံဆိပ်ပါတဲ့ ရှေ့ထွက်မိုင်းတွေပါ သိမ်းမိခဲ့ပါတယ်။
လွယ်လန်းဒေသ အခြေအနေကလည်း အချိန်မရွေး ပေါက်ကွဲနိုင်တဲ့ အင်မတန် အန္တရာယ်ကြီးတဲ့ အနေအထားပါ။ လွယ်လန်းဒေသတွင်းမှာ ထိုင်းစစ်စခန်း (၃၅)ခု ရှိနေပါတယ်။ မြန်မာ့တပ်မတော်က ထိုင်းစစ်စခန်းတွေ အားလုံး ဆုတ်ခွာပေးဖို့ တရားဝင် အကြောင်းကြားမှု လုပ်ခဲ့ပါသေးတယ်။ ထိုင်းဘက်က ပြန်လည် ကန့်ကွက်ခဲ့ပြီး သူတို့ပိုင် နယ်မြေဖြစ်တဲ့ အတွက် ဆုတ်မပေးနိုင်ကြောင်း ဆိုတယ်။ ဒီပြဿနာဟာ ဒီနေ့ အထိ မပြီးဆုံး သေးပါဘူး။ ထိုင်းတပ်စခန်းတွေ(အချို့စခန်းေ
၂၀၀၁ တိုက်ပွဲစဉ်တွေမှာ ယိုးဒယားနဲ့ မြန်မာတပ်တွေ ထိတွေ့ခဲ့တာကို ပြန်သုံးသပ်ရရင် မြန်မာ့ တပ်မတော်ဘက်က ယိုးဒယားထက် အကျအဆုံး အထိအခိုက် ပိုများခဲ့တယ် (ဒါပေမယ့် ယိုးဒယားတပ်တွေကြောင့်လို့တော့ မဆိုနိုင်ပါ၊ SSA နဲ့ တိုက်ခိုက်ရတဲ့ အတွက် ထိခိုက်ကျဆုံးရတာတွေပါ)။ ဒါပေမယ့် နယ်မြေမဆုံးရှုံးအောင် ကာကွယ်နိုင်ခဲ့တယ်။ အငြင်းပွားနေတဲ့ တောင်ကုန်းကို ရန်သူ့လက်ပါမသွားအောင် ပြန်တိုက်ယူနိုင်ခဲ့ပြီး၊ လွယ်လန်းဒေသက နယ်မြေအငြင်းပွားမှု ပြဿနာကတော့ နဂိုအခြေအနေတိုင်း ရှိနေပြီး ဒီနေ့အထိ ဖြေရှင်းနိုင်ခြင်း မရှိသေးဘူး။ အဲ့ဒီ့ အချိန်က မိမိ လေတပ်မတော်မှာ ခေတ်မှီဂျက်တိုက်လေယာဉ် မရှိခဲ့တဲ့ အတွက် ယိုးဒယားလေတပ်က မိမိ ခေါင်းပေါ်ဖြတ်ပျံပြီး နားရွက်တံတွေးဆွတ်တာ ခံခဲ့ရတယ်။
(ပြီးခဲ့တဲ့ ၂၀၀၃ တိုက်ပွဲစဉ် အကြောင်းမှာ အချက်အလက် တချို့ကို ပြင်ချင်တာက ပန်ကန့်ကော်၊ ပန်မိုင်ဆွန်၊ လွယ်ထွေ၊ ကျူဆပ်ကပ်စတဲ့ စခန်းတွေ အတိုက်ခံခဲ့ရတာ ၂၀၀၃ ခုနှစ်ထဲမှာ မဟုတ်ပါဘူး၊ ယိုးဒယားနဲ့ ပစ်ခတ်မှုတွေဖြစ်တာ ၂၀၀၃ ခုနှစ်ထဲမှာ ဖြစ်ပေမယ့် စခန်းတွေ အတိုက်ခံခဲ့ရတာ ၂၀၀၂ ခုနှစ် မေလထဲ (Cobra Gold ရာသီ) မှာဖြစ်ပါတယ်။ နောက်တစ်ချက်က ပန်ကန့်ကော် ဒေသဟာ ဘီပီ-၅ မဟုတ်ပါဘူး၊ ဘီပီ-၃ပါ။)
သိတဲ့လူတွေက အချက်အလက်တွေ ဖြည့်ပေး၊ ပြင်ပေးကြဖို့ ကြိုဆိုပါတယ်။
အားလုံးကို လေးစားလျက်
Comrade
ကောင်းတယ်ဗျာ...ဒါတွေကို ဂယနဏ မသိရဘူးဗျ...မကြာသေးခင်က SSA ခွေးမသားတွေက ထိုင်းစစ်သူကြီး ရဲ့ ရုပ်ထုတောင်မြန်မာပြည်ထဲ လာစိုက်တယ်ဆိုတဲ့ သတင်းကို ဖတ်လိုက်ရသေးတယ်။
ReplyDeleteကွန့်မန့်ရေးပေးတဲ့ အတွက် ကျေးဇူးတင်ပါတယ် ကိုSocretes ခင်ဗျား။ ဟုတ်ပါတယ် သူတို့ ဌာနချုပ်စခန်း လွယ်တိုင်းလျံမှာ လာစိုက်တဲ့ ရုပ်ထုက ထိုင်းဘုရင် နရဲစွမ်(ဗြနရစ်)ရဲ့ ရုပ်တုပါ။ နန္ဒဘုရင်ကို တော်လှန်နိုင်ခဲ့တဲ့ ထိုင်းဘုရင်မို့ သူတို့ လေးစားကိုးကွယ် ကြပုံရပါတယ်။ ထိုင်းရာဇဝင်တွေမှာ နရဲစွမ်ကို အလွန်အမင်း အမွှန်းတင်ကြပေမယ့် နရဲစွမ် ဘယ်လိုကျဆုံးခဲ့တယ် ဆိုတာတော့ သေချာမပြောကြဘူး။ တကယ်တော့ နရဲစွမ်ဟာ ဘုရင့်နောင် မင်းတရားကြီးရဲ့မြေးတော် အနောက်ဘက်လွန်မင်းနဲ့ တိုက်ခိုက်ဖို့ လာရင်း မြန်မာနိုင်ငံထဲက ရှမ်းပြည်မိုးနဲဒေသမှာ ကျဆုံးတာပါ။
ReplyDeleteကိုSocretes ကိုတောင်းပန်ချင်တာ တစ်ခုက SSA ကိုတော့ မဆဲစေချင်ဘူး။ အခု SSAနဲ့ ကျွန်တော်တို့ဟာ တဘက်နဲ့ တဘက် တိုက်ခိုက် နေပေမယ့် တချိန်မှာ ချစ်ချစ်ခင်ခင် ပြန်နေရကြမယ့် ညီအစ်ကိုတွေ မဟုတ်လားဗျာ။ အမျိုးဆိုတာ မခေါ်ချင်လို့ပဲရမယ်၊ ဟိုးရှေးပဝေသနီထဲက တမြေတည်းနေ တရေတည်းသောက်လာတဲ့ ညီအစ်ချင်း မတော်ချင်လို့ မရဘူးလေ။ အခုချိန်ထိကို တိုင်းရင်းသားညီအစ်ကို အားလုံး ယုံကြည်စွာ လက်တွဲနိုင်မယ့် နေ့ကို မျှော်လင့်နေတုန်းပါပဲ။ ခွဲထွက်ရေးသမားတွေ ဒါမှမဟုတ် ထိုင်းနဲ့ပေါင်းချင်တဲ့သူ (ထိုင်းလက်အောက်မှာ နေချင်တဲ့သူ)တွေ အတွက်တော့ မြန်မာ့မြေပေါ်မှာ နေရာမရှိစေရပေါ့ဗျာ။ ပြည်ထောင်စုကို သစ္စာစောင့်သိမယ့် ညီအစ်ကို အားလုံးအတွက်တော့ သဘောထားကြီးကြီးထားပြီး ငြိမ်းချမ်းသည်အထိ ညှိုနှိုင်းအဖြေရှာရမှာပဲ။
regards,
Comrade
ဟုတ်ပါတယ် ခင်ဗျာ KNU ဘဲဖြစ်ဖြစ်၊ KIA ဘဲဖြစ်ဖြစ် ဘယ်လက်နက်ကိုင်တွေမဆို အယူသီးပြီးမုန်းလို့မရပါဘူး ခင်ဗျာ လူမျိုးတစ်မျိုးကို အမှန်းလွန်ပြီး ပြောနေရင်တော့ မဖြစ်ဘူးဗျ ပြည်ထောင်စု ဆိုတာက တန်းတူနေထိုင်ရေး ဖြစ်ပါတယ်...။
ReplyDelete၂၀၀၁တုန်းကထိုင်းမြန်မာအရေးခင်းမှာ..ဗိုလ်ချုပ်တင်ဦးဟာ
ReplyDeleteမန္တလေးကနေပြီးစစ်ဗျူဟာခင်းကျင်းခဲ့ပါတယ်။နောက်တစ်ချက်
မြန်မာတပ်မတစ်ခုလုံး..ချင်းမိုင်အထိတိတ်တစိတ်ရောက်ရှိနေ
တယ်ဆိုတာဘုရင်မကြီးသိလို့စစ်ပြေငြိမ်းရေးလုပ်ခဲ့ပါတယ်။
ထိုစဉ်ကဗိုလ်ချုပ်စစ်မောင်ပြောခဲ့တဲ့စကားလေးတစ်ခွန်းရှိပါတယ်။
ကျုပ်တို့မြန်မာတွေထိုင်းကိုသိမ်းချင်ရင်သုံးရက်အတွင်းသိမ်းနိုင်
တယ်ဆိုတဲ့စကားပါ။ဒါတကယ်တွေပါ။တကယ်တမ်းနင်လားငါလား
ဖြစ်ပြီဆိုရင်။မြန်မာစစ်တပ်ဟာထိုင်းနိုင်ငံတစ်ဝက်ကိုမြေပြင်အနေ
ထားရသိမ်းပိုက်ပြီးသားဖြစ်နေပါပြီ။မြန်မာစစ်တပ်ရဲ့စွမ်းရည်ကို
ခန့်မှန်းလို့မရပါဘူး။ဒါယုံတမ်းစကားတွေမဟုတ်ပါ.။ထိုစဉ်က
ထိုင်းနိုင်ငံချင်းမိုင်မြို့အနီးနားတောတွေမှာရောက်ရှိနေတဲ့
မြန်မာ့တပ်မတော်မှာကျွန်တော်အကိုကိုယ်တိုင်ပါခဲ့လို့ပါပဲ။
ကိုTFT ရေ အဲဒီ့အကြောင်း ကျွန်တော်လည်း ကြားဖူးတယ်ဗျ။ ဒါပေမယ့် စစ်ဆင်ရေးမှာ တကယ်ပါခဲ့တဲ့ လူမဟုတ်ဘဲ၊ တဆင့်ကြားတဲ့ လူဆီကနေ ပြန်ကြားတာပါ။ ချင်းမိုင်နားအထိ မြန်မာတပ်မ တစ်ခု အင်အားလောက် ရောက်သွားတယ်လို့ ကြားဖူးတယ်။ တပ်ထဲမှာတော့ အဲဒီ့အကြောင်း သိပ်မပြောကြဘူး၊ လျှို့ဝှက်ချက်မို့ ဖြစ်ကောင်း ဖြစ်မယ်။ ဒါကြောင့် ကျွန်တော် ထည့်ရေး မထားတာပါ။ သိတဲ့ လူတွေ ဆီက ပြောပြ ပေးမယ်ဆိုရင်တော့ သိပ်ကောင်းတာပေါ့ဗျာ။ မေလထဲမှာ ထိုင်းနဲ့ ထိတွေ့မှုတွေ အကြီးအကျယ် ဖြစ်ပြီး ဂျွန်လထဲမှာ ထိုင်းဝန်ကြီးချုပ် သက်ဆင်ကိုယ်တိုင် မြန်မာပြည်ကို လာခဲ့တာတော့ မှတ်မိတယ်။
ReplyDeleteregards,
Comrade
အဲဒီ အချိန်လောက်တုန်းကသာ ချင်းမိုင်ကို ဆက်ထိမ်းထားနိုင်ရင် အတော်ကောင်းမယ်ဗျ ကိုTFTရေ အစ်ကိုသိတဲ့ အကြောင်းတွေကို ဆက်ရေးပေးပါဦးခင်ဗျာ... အာလုံးလည်း သိခွင့်ရတာပေါ့။
ReplyDeleteဒုံးပျံတော့မသိဘူးဗျ အမြောက်နှင့် လှမ်းထုလိုက်တာ ယိုးဒယား သံချပ်ကာ တစ်စီးတည့်တည့် မှန်ပြီးပေါက်ကွဲသွားတာ ကတော့ ပြောသံကြားနေခဲ့ရပါတယ်..။နောက်ပြီး တကယ်လားဘာလားတော့ မသိရဘူး အစ်ကို တစ်ယောက်ပြောတာက တိုက်ပွဲတစ်ခု အတွင်းမှာဆိုရင် ထိုးစစ်ဆင်နေရင်နှင့် တနေရာရောက်တော့ ယိုးဒယား တပ်ကသံချပ်ကာတွေ တပ်ချတဲ့ နေရာကို ရောက်သွားပြီး မြန်မာတပ်က ရလိုက်တယ်လို့ကြားဘူးပါတယ် နောက်တော့ ချက်ချင်း ယိုးဒယား အက်ဖ်-၁၆ တွေက ဝင်ပြီး ပစ်သွားတာနှင့် နောက်ဆုတ်ခဲ့ရတယ်လို့သိရပါတယ် သံချပ်ကာတွေကိုတော့ မိုင်းကပ်ခဲ့တယ်လို့ ဆိုခဲ့ကြပါတယ်..။ဟုတ်မဟုတ်ဆိုတာ မသိရပင်မဲ့ ပြောပြတဲ့ အစ်ကိုကတော့ တပ်ထဲမှာရှိနေဆဲပါ ကျွှန်တော်လည်း ပြန်ဆုံမှ ကောင်းကောင်းမေးကြည့်ပါဦးမယ်။
ReplyDeleteကျေးဇူးပါ ကိုKhai Soe ရေ။ ကြုံရင် မေးကြည့်ပေးပါဦး ခင်ဗျာ။ အားလုံး သိချင်ကြပါတယ်။ ကျောက်ခေတ် တပ်မတော်ဆိုပြီး ဆောင်းပါးရေးခဲ့တဲ့ သူတွေ ကိုယ်တိုင်လည်း သိစေချင်ပါတယ်။
ReplyDelete(အခုတင်မယ့် comment က facebook မှာ ကိုJames Mgzaw ပေးခဲ့တဲ့ comment ပါ။ O-7 တိုက်ပွဲအကြောင်း ပြည့်ပြည့်စုံစုံ သိရအောင် တင်ပေးလိုက်ပါတယ်။)
ReplyDelete၂၀၀၁ E 7(O) တိုက်ပွဲမှာပါခဲ့တဲ့ သူငယ်ချင်းတယောက်ရဲ့ပြောပြချက်အရ သူတို့တာဝန်ယူထားတဲ့တောင်ကုန်း
ဟာ နယ်စပ်ချင်းထိစပ်နေပြီး အရင်ကဟိုဘက်ရဲဘော် ဒီဘက်ရဲဘော်အချင်းချင်း ခြင်းခတ်၊ဘောလုံးကန်စသဖြင့် နေလာကြ
သူတွေပါ၊ ဒါပေမယ့်မဖြစ်ခင် တပတ်လောက်မှာ အနေတန်းသွားကြပြီး အဲ့ဒီနေ့မနက်အစောကြီး Dawn attack နဲ့ဝင်တိုက်
တာပါ၊ ကံကောင်းချင်တော့ ခွဲမှူးညကသောက်တာများသွားပြီး ရင်ပူလို့ အစောကြီးနိုးကာ ကင်းတွေလိုက်စစ်ရင်း ရဲဘော်တွေ
အားလုံး Stand by ပေးထားတုန်းဝင်တိုက်ချိန်ဖြစ်သွားတယ်။ ဒါပေမယ့်လူအင်အား လက်နက်အင်အားချင်းမမျှလို့
လက်နက်ကြီးပြစ်ချိန်မှာ စခန်းဘေးကတောင်စောင်းမှာ ခဏရှောင်လိုက်၊ လက်နက်ကြီးအပြစ်ရပ်ချိန် ပြန်တိုက်လိုက်နဲ့လုပ်ရင်း
စခန်းကိုထိမ်းထားနိုင်ခဲ့တယ်၊ သိရသလောက် ထိုင်းဘက်ကနယ်စပ်စခန်းနားထိ လမ်းတွေပေါက်တော့ တင့်ကားတွေပါ မောင်းချလာ
ပြီးပြစ်ပေးတယ်လို့သိရတယ်။ စခန်းမှာအထိအခိုက် အကျအဆုံးတွေများလာပြီး ခွဲမှူးကိုယ်တိုင်ပေါင်မှာထိသွာ
းတယ်၊ နေ့လယ်လောက်မှ စစ်ကူရောက်လာကာ စခန်းကိုပြန်ထိမ်းနိုင်ခဲ့တယ်။
ထိုင်းဘက်ကလူအင်အား၊ လက်နက်အင်အားက ပြောစရာမရှိအောင်သာတယ်၊ အရာခံဗိုလ်အဆင့်လောက်က လူနာကောက်ဖို့
ရဟတ်ယာဉ်တောင်းနိုင်ခွင့်ရှိတယ်၊ နယ်စပ်အထိ သံချပ်ကာယာဉ်တွေသွားနိုင်လောက်တဲ့ လမ်းတွေရှိတယ်၊ မြန်မာဘက်ကတော့
ယခုထိ ပေါ်တာခေါ်ကာ လူအင်အားဖြင့် ပစ္စည်းတွေသယ်ရတဲ့အဆင့်ပဲရှိသေးတယ်။ ကျိုင်းတုံမှာရှိတဲ့ သံချပ်ကာတပ်ရင်းက
တာချီလိတ်ရှေ့တန်းစခန်းထိ မသွားနိုင်ဘူး၊ မြန်မာတပ်တွေကစိတ်ဓာတ်ရေးရာကိုပဲ အခြေခံပြီးတိုက်နေရတယ်၊ ပြောရမယ်ဆိုရင်
ဟိုးလွန်ခဲ့သောနှစ်ပေါင်း ၄၀၊၅၀ လောက်က ဗိုလ်ချုပ်ကျော်ဇောတို့၊ဗိုလ်ချုပ်တင်ဦးတို့ တရုတ်ဖြူတိုက်တုန်းကတောင်
ဒီထက်ထောက်ပံ့ရေးကောင်းသေးတယ်၊ လေကြောင်းပြစ်ကူပေးတာတွေ၊ လေယာဉ်နဲ့ရိ့က္ခာချပေးတာတွေ အလျှံပယ်လုပ်ပေးနိုင်ခဲ့တယ်၊ တိုင်းပြည်ကလဲချမ်းသာ၊ ပါလီမန်ဒီမိုကရေစီစနစ်မှာ နိုင်ငံကြီးတွေရဲ့ထောက်ပံ့မှု့ကလည်း ရတော့ကောင်းကောင်းတိုက်နိုင်ခဲ့တယ်။
အခုလိုပြောလို့ တပ်မတော်အတွက်အသုံးစရိတ်တွေပိုသုံးခိုင်းနေတာမဟုတ်ပါ၊ ပထမအရေးကြီးဆုံးတိုင်းပြည်ကိုချမ်းသာအောင်လုပ်စေချင်သည်။
တိုင်းပြည်ချမ်းသာလာရင် ပြည်သူလူထုလဲချမ်းသာ တပ်မတော်လဲချမ်းသာလာမယ်၊ ဒုတိယအချက်က နိုင်ငံကြီးတွေနဲ့ အဆင်ပြေစေချင်တယ်၊
အဓိက အမေရိကန်၊ အင်္ဂလိပ်နှင့် ဥရောပနိုင်ငံများ၊ တရုတ်၊ရုရှားတို့နဲ့လဲအဆင်ပြေအောင်ပေါင်းပြီး ချိန်ခွင်လျှာညှိပါ၊ တိုင်းရင်းသား
အချင်းချင်းတိုက်တဲ့စစ်ပွဲတွေမဖြစ်စေချင်ဘူး၊ ယိုးဒယားတို့ ဘင်္ဂလားဒေ့ရ် တို့လိုသူတို့ဘက်ကစပြီး ကျူးကျော်စစ်ဖြစ်လို့ကတော့
မြန်မာလူငယ်တိုင်း စစ်ထဲဝင်ကြမှာပါ၊ နိုင်ငံသားတိုင်း မျိုးချစ်စိတ်ရှိကြပါတယ်။
(James Mgzaw)
ကောင်းတယ်
ReplyDeleteဟုတ် ပါတယ် ကို comrade ရေ မြန်မာ လူကြီး လူငယ်တိုင်းက အမိမြေကို ကာကွယ်ဖို့ အတွက် အသင့်ပါပဲ။
ReplyDelete